ധനയോഗം

1. ജാതകത്തില്‍ ലഗ്നം മേടമായിരിക്കുകയും സൂര്യന്‍,ചൊവ്വ ,ഗുരു,ശുക്രന്‍ എന്നി നാല് ഗ്രഹങ്ങള്‍ ഒന്‍പതിലും ശനി എഴിലുമായി സ്ഥിതി ചെയ്യുക.

2. മേല്പറഞ്ഞ ലഗ്നമുള്ള ജാതകത്തില്‍ ലഗ്നത്തില്‍ സൂര്യനും നാലില്‍ ചന്ദ്രനും സ്ഥിതി ചെയ്യുന്നതും ധനയോഗതിന്നു കാരണമായി തീരും.

3.ജാതകത്തില്‍ ലഗ്നം ഇടവമായിരികുകയും ബുധനും ഗുരുവും യോഗം ചേര്‍ന് ഇരിക്കുകയും, ഈ ഗ്രഹങ്ങള്‍ക്ക്‌ കുജന്റെ ദൃഷ്ടി ഉണ്ടായിരിക്കുകയും ചെയ്താല്‍ ജാതകന്‍ ധനവാനകുന്നതാണ്.

4.ജാതകത്തില്‍ ലഗ്നം മിഥുനം ആയിരിക്കുകയും ചന്ദ്രന്‍,കുജന്‍,ശുക്രന്‍ എന്നി മൂന്നു ഗ്രഹങ്ങളും രണ്ടാം ഭവത്തിലിരിക്കുകയും ചെയ്താല്‍ വ്യക്തി ധനവാനായി തീരുന്നതാണ്

5. മേല്പറഞ്ഞ ലഗ്നമുള്ള ജാതകത്തില്‍ ശനി ഒന്‍പതിലും ചന്ദ്രനും,കുജനും പതിനൊന്നിലും ഇരുന്നാല്‍ ധനയോഗം ഉണ്ടാകുന്നതാണ്

6.മിഥുന ലഗ്നത്തില്‍ പത്താം ഭാവത്തില്‍ ഗുരുവും, ശുക്രനും ഒരുമിച്ചിരുന്നാലും ഈ യോഗം സംഭവിക്കും.

7. മേല്പറഞ്ഞ ലഗ്നമുള്ള ജാതകത്തില്‍ ചന്ദ്രനും കുജനും പതിനൊന്നാം ഭാവത്തില്‍ ഇരുന്നാലും ധനയോഗം ഉണ്ടാകുന്നതാണ്

8. ജാതകത്തില്‍ ലഗ്നം കര്‍ക്കടകം ആയിരിക്കുകയും,ചന്ദ്രനും,കുജനും,ഗുരുവും രണ്ടാം ഭാവത്തിലും ശുക്രനും സൂര്യനും അഞ്ചാം ഭാവത്തിലും ഇരുന്നാലും ഈ ജാതകമുള്ള വ്യക്തിക്ക് ധനയോഗം ഉണ്ടാകും.

9. മേല്പറഞ്ഞ ലഗ്നമുള്ള ജാതകത്തില്‍ ലഗ്നത്തില്‍ ചന്ദ്രനും എഴാം ഭാവത്തില്‍ കുജനും ഇരുന്നാലും ധനയോഗം ഉണ്ടാകും.

10.ജാതകത്തില്‍ ലഗ്നം കര്‍ക്കടവും, ലഗ്നത്തില്‍ ചന്ദ്രനും,നാലില്‍ ശനിയും ഇരുന്നാലും ധനയോഗം തീര്‍ച്ചയാണ്.

11.ചിങ്ങ ലഗ്നമുള്ള ജാതകത്തില്‍ സൂര്യനും,ചൊവ്വയും,ബുധനും ഒരുമിച്ചു ഒരിടത്ത്‌ ഇരുന്നാല്‍ അതേ ഫലം തരും .

12.അതുപോലെ തന്നെ മേല്പറഞ്ഞ ലഗ്നമുള്ള ജാതകത്തില്‍ സൂര്യന്‍,ബുധന്‍,ഗുരു എന്നി ഗ്രഹങ്ങള്‍ ഒരുമിച്ചു ഇരുന്നാലും ധനയോഗം സംഭവിക്കും

13.ചിങ്ങ ലഗ്നമുള്ള ജാതകത്തില്‍ ബുധന്‍ രണ്ട്, അഞ്ചു,പതിനൊന്നു എന്നി ഇടങ്ങളില്‍ എവിടെയെങ്കിലും ഇരുന്നാല്‍ അതെ ഫലം തന്നെ.

14.കന്നി ലഗ്നമുള്ള ജാതകത്തില്‍ ശുക്രനും, കേതുവും രണ്ടാം ഭാവത്തിലിരുന്നലും ധനയോഗം ആയിരിക്കും ഫലം.

15.ജാതകത്തില്‍ ലഗ്നം തുലാം ആയിരിക്കുകയും നാലാം ഭാവത്തില്‍ ശനി ഇരിക്കുകയും ചെയ്താല്‍ ആ ജതകമുള്ള വ്യക്തിക്ക് ധനയോഗം ഉണ്ടാകും എന്ന് ഉറപ്പാണ്‌.

16.അതുപോലെതന്നെ മേല്പറഞ്ഞ ലഗ്നമുള്ള ജാതകത്തില്‍ ഗുരു എട്ടാം ഭാവത്തില്‍ ഇരുന്നാലും ധനയോഗം ഉണ്ടാകുന്നതാണ്

17.ജാതകത്തില്‍ ലഗ്നം വൃശ്ചികം ആയിരിക്കുകയും ബുധനും,ഗുരുവും ഒരുമിച്ചു ചേര്‍ന്ന് ഏതെങ്കിലും ഭാവത്തില്‍ ഇരിക്കുകയും ചെയ്താലും ഇതേ ഫലം തന്നെ

18.വൃശ്ചിക ലഗ്നം ഉള്ള ജാതകത്തില്‍ ബുധനും ഗുരുവും പരസ്പരം ഏഴാം ഭാവത്തിലിരുന്നു ദൃഷ്ടി ചെയ്താലും ആ ജാതകമുള്ള വ്യക്തിക്ക് ധനയോഗം ഉണ്ടാകുന്നതാണ്

19.വൃശ്ചിക ലഗ്നം ഉള്ള ജാതകത്തില്‍ ഗുരുവും,ബുധനും അഞ്ചിലും,ചന്ദ്രന്‍ പതിനൊന്നിലും നിന്നാലും ധനയോഗം ഉണ്ടാകുമെന്ന് ഉറപ്പാണ്

20..ജാതകത്തില്‍ ലഗ്നം ധനു ആയിരിക്കുകയും പത്താം ഭാവത്തില്‍ ശുക്രന്‍ ഇരിക്കുകയും ചെയ്താലും ധനയോഗം ഉറപ്പു തന്നെ.

21.മകര ലഗ്നമുള്ള ജാതകത്തില്‍ ലഗ്നത്തില്‍ ബുധനും,ശുക്രനും ഇരിക്കുകയും, അഞ്ചില്‍ ചന്ദ്രനും,ഒന്‍പതില്‍ ഗുരുവും ഇരുന്നാല്‍ ഇതേ യോഗം ഉറപ്പാണ്
‌
23.ജാതകത്തില്‍ മകര ലഗ്നത്തില്‍ ചൊവ്വയും, ഏഴാം ഭാവത്തില്‍ ചന്ദ്രനും ഇരുന്നാലും ധനയോഗം ഉറപ്പു തന്നെ

24.മകര ലഗ്നമുള്ള ജാതകത്തില്‍ ലഗ്നത്തില്‍ ബുധനും,ശുക്രനും അഞ്ചില്‍ ഇരിക്കുന്ന ചന്ദ്രനെ ഗുരു ദൃഷ്ടി ചെയ്യുക. ഇങ്ങിനെ വന്നാലും ധനയോഗം ഉറപ്പിക്കാം.

25.കുംഭ ലഗ്നമുള്ള ജാതകത്തില്‍ ഗുരു ബലവാനായി ഏതെങ്കിലും ശുഭ സ്ഥാനത്തിരുന്നാല്‍ ധനയോഗം ഉറപ്പു തന്നെ.

26.ജാതകത്തില്‍ ലഗ്നം കുംഭവും രണ്ടാം ഭാവത്തില്‍ ഗുരുവും,പതിനൊന്നാം ഭാവത്തില്‍ ശുക്രനും ഇരിക്കുന്നു എങ്കില്‍ ജതകത്തിടമ ധനവാനാകും എന്നത് ഉറപ്പു തന്നെ.

27.ലഗ്നം കുംഭം ആയിരിക്കുകയും പത്താം ഭാവത്തില്‍ ശനി ഇരിക്കുകയും ചെയ്താലും ധനയോഗം ഉറപ്പു തന്നെ.

28. ജാതകത്തില്‍ ലഗ്നം മീനം ആയിരിക്കുകയും പതിനൊന്നാം ഭാവത്തില്‍ ചൊവ്വ ഇരിക്കുകയും ചെയ്താല്‍ ആ ജാതകമുള്ള വ്യക്തി ധനവാന്‍ ആകും എന്ന് ഉറപ്പിക്കാം.

29.മീന ലഗ്നമുള്ള ജാതകത്തില്‍ ആരില്‍ ഗുരു,എട്ടില്‍ ശുക്രന്‍,ഒന്‍പതില്‍ ശനിയും,പതിനൊന്നില്‍ ചന്ദ്രനും, ചൊവ്വയും ചേര്‍ന്ന് ഇരുന്നാലും ധനയോഗം ഉറച്ചത് തന്നെ

ഹരി ഓം